فلسطين الاردن عرب دنيا

المواضيع الأخيرة

» مخترع الكلاشنكوف ميخائيل كلاشنكوف
05/11/08, 07:20 am من طرف الاعصار الصامت

» وهذى هى أسطورة «الشعب اليهودي»
05/11/08, 07:11 am من طرف الاعصار الصامت

» قصيدة من صرصور لصرصورة تراها تبكي يعني لا تتأثرو
05/10/08, 11:14 am من طرف اراجون

» قصيده رائعه ابكت الملايين
05/10/08, 11:08 am من طرف اراجون

» ليالي لبنان
04/10/08, 08:33 pm من طرف اراجون

» مصطلحات
03/10/08, 03:05 am من طرف Admin

» الحصول على الجنسيه الاردنيه { للمزاح فقط}
03/10/08, 03:01 am من طرف Admin

» ليلى والذئب بالاردني
03/10/08, 02:26 am من طرف Admin

» الدماء الحمراء
02/10/08, 09:07 am من طرف جموله

» نسونجي
02/10/08, 08:49 am من طرف جموله

» عيد مبارك
01/10/08, 12:59 am من طرف Admin

» اسى واهات وانات وشذرات وعبرات
28/09/08, 05:56 am من طرف الاعصار الصامت

» عيد بأي حال عدت يا عيد بما مضى أم لأمـر فيك تجديد
28/09/08, 05:48 am من طرف الاعصار الصامت

» الاخوة العاصين !!!
25/09/08, 05:07 pm من طرف Admin

» الظلم ظلمات يوم القيامة
25/09/08, 05:02 pm من طرف Admin

» موقع يفحص جهازك اذا كان مخترق ام لا
23/09/08, 06:28 pm من طرف Admin

» كيف تعرف اذا كان جهازك مخترق بدون برامج
23/09/08, 06:24 pm من طرف Admin

» المثل الاعلى
20/09/08, 09:53 pm من طرف جموله

» اني احبك
20/09/08, 09:44 pm من طرف جموله

» بالكم بتصير
20/09/08, 11:33 am من طرف Nett

» اختراعات ومخترعون
19/09/08, 05:50 am من طرف الاعصار الصامت

» ام اردنيه ذكيه
16/09/08, 10:11 pm من طرف اراجون

» صناعة السمبوسة
16/09/08, 08:59 pm من طرف Admin

» الملك وابنته الصغيره
16/09/08, 05:43 pm من طرف اراجون

» قصة اسلام فتاه مسيحيه اردنيه
16/09/08, 01:59 am من طرف Admin


    الملك وابنته الصغيره

    شاطر

    Admin
    Admin

    عدد الرسائل : 311
    تاريخ التسجيل : 18/04/2008

    الملك وابنته الصغيره

    مُساهمة من طرف Admin في 10/06/08, 06:28 am

    كان يا ما كان في قديم الزمان

    ملك غزاوي عنده ثلاث بنات حب في يوم من الأيام

    انه يختبر حبهم اله

    جاب الكبيرة وجه البكسة

    وقالها: يابا يا حبيبتي قديش بتحبي أبوكي الملك

    البنت من غير تفكير: بحبك قد ما السمك بحب البحر

    الملك فكر وقال في باله: اي هو السمك بقدر يعيش بدون بحر .. هاي البنت

    بتحبني كتير .. وقال الها: أنا كنت عارف انك بتحبيني بس مش لهدرجة

    وقام اعطاها قصر كبير ومجوهرات

    جاب البنت التانية (واسطة العقد) وسألها نفس السؤال

    وقالها: يابا يا حبيبتي قديش بتحبي أبوكي الملك

    فقالتله: بحبك قد ما الطير بحب السما

    وقال في باله: اي هو الطير بقدر يعيش بدون سما ويطير .. هاي البنت بتحبني

    كتير

    انبسط الزلمة وكيّف .. وأعطاها قصر جنب أختها ومجوهرات وميمعة

    بعدين جاب البنت الصغيرة

    اخر العنقود اللي بموت فيها) وسألها نفس السؤال)

    وقالها: يابا يا حبيبتي قديش بتحبي أبوكي الملك

    قامت جاوبته: بحبك قد ما الدقّة بتحب الشطة

    الدقة يا جماعة الخير هادي اشي بيعملو الغزاويين من القمح ... وبتاكل

    مع الزيت زيو زيو الزعتر.. بس الدقة بينحط علية شطة

    الزلمة زعل وعصب وقام لاحها كف خلا أيديها و رجيلها اربعة .. ومسكها من

    شعرها وزتها برة القصر .. وما رضي يسمع منها ولا نص كلمة

    البنت دارت بالحواري يا عيني وعلى أرصفة الطرقات

    وتسمع كلمة من هاد وكلمتين من هداك .. لغاية ما ربنا حن عليها و أجاها

    مزارع مسكين على باب الله حبها وحبته .. وراحوا سكنو بالكوخ تبعه اللي بنص

    الغابة ، طبعا أول اشي تزوجوا

    يعني مش سكنوا هيك سبهللة

    ودارت الأيام ومرت الأيام

    ما بين بعاااد وخصاااااااااااااااااام

    وفي يوم من الأيام كان الملك قاعد بتصيد بالغابة

    ونسي حاله وسرح وضاع بالغابة .. دور على المرافقين ولا هم هون .. طب الحرس

    فص ملح و داب .. وين الشباب ؟ لا حياة لمن تنادي .. وضل الملك يمشي ويمشي ..

    لغاية ما لقي هالكوخ لصغير، قال يلا بفوت برتاح وباكلي لقمة

    دق على الباب فتحلوا صاحب البيت وهو مش عارفه

    دخلوا جوا وهو شايفه تعبان .. وصار يحكي مع الزلمة مرته مش خافي عليها

    الصوت

    قام الزلمة بيقول للمرة

    !! اذبحيلنا جاجتين خلينا نتعشى ونعشي الضيف

    المرة مين طبعا ؟

    واضحة بنت الملك المقصوفة الصغيرة يا هبلان

    - ركزوا بالقصة ولكو .. هههههههه -

    المهم بدت تشتغل بالجاجات وخطر على بالها فكرة

    نادت جوزها وقالتله خود شوية الدقة هاي مع صحن زيت .. سلكو فيهم لغاية ما

    يخلص الاكل شكله الزلمة ميت من الجوع

    والله الزلمة عجبته الفكرة وقام حط الزيت والدقة قدام الملك

    وقاله: اتفضل يا عمي على بين ما يجهز الاكل

    الملك ميت جوع وهو بحب الدقة كتير

    ما بلع اول لقمة ولا صار بده يستفرغ .. وصاح بالزلمة: ولك شو هاد دقة من

    غير شطة ؟؟؟ .. كيف بتاكلوها هاي ؟؟

    وفجأة اتذكر بنته الصغيرة وصار يعيّط زي الهبايل

    قاله الزلمة: ول ، شو مالك يا زلمة انت العاقل .. كل هاد مشان شوية دقة !!

    هسة الجاج بخلص .. !! قلعطتني ... شو هالعالم هاي

    راح الملك حكى للزلمة القصة

    وهو خلص من هون نطت البنت وقالت : بخ ، كيفك بابا ؟ عرفت اديش بحبك يا

    اهبل ؟؟

    وهيك عرف الملك قديش بتحبه بنته

    وجابتله دقة بشطة .. طبعا ما أكل منها ولا لقمة لأنه نزل بالجاج جرد

    و أعطاها قصرين ومجوهرات و سوبر ماركت و كيلو معسل (علشان هي بتأرجل ) ..

    وشغل جوزها ضريب مواس وسكاكين عنده وتوته توته خلصت الحتوتة

    Nett

    عدد الرسائل : 7
    تاريخ التسجيل : 04/09/2008

    رد: الملك وابنته الصغيره

    مُساهمة من طرف Nett في 16/09/08, 05:35 pm

    ههههههههههههههه حلوه كتير ادمن
    يسلموووووووو
    avatar
    اراجون
    مشرف

    عدد الرسائل : 20
    تاريخ التسجيل : 29/08/2008

    رد: الملك وابنته الصغيره

    مُساهمة من طرف اراجون في 16/09/08, 05:43 pm

    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ولك من وين جايب هالقصه

    يسلمو


    _________________
    [img]

      الوقت/التاريخ الآن هو 15/12/17, 07:44 pm